Steve Bruce er nú sterklega orðaður við knattspyrnustjórastöðuna hjá enska úrvalsdeildarliðinu Newcastle.
Newcastle leitar eftirmanns Rafael Benítez sem er farinn til Kína. Newcastle-liðið heldur til Kína á laugardaginn þar sem það tekur þátt í Asíubikarnum og forráðamenn félagsins stefna á að vera búnir að ráða stjóra fyrir þann tíma.
Bruce hefur víða komið við á þjálfaraferli sínum. Hann tók við liði enska B-deildarliðsins Sheffield Wednesday í janúar en meðal þeirra liða sem hann hefur stýrt eru Aston Villa, Hull, Sunderland og Birmingham.