Crystal Palace vann 2:1-sigur á Manchester United í svakalegum leik í ensku úrvalsdeildinni í fótbolta í dag. Hollenski bakvörðurinn Patrick van Aanholt skoraði sigurmark Palace í uppbótartíma.
Jordan Ayew kom Palace yfir í fyrri hálfleik, áður en Daniel James jafnaði fyrir United á 89. mínútu. Aanholt átti hinsvegar lokaorðið á þriðju mínútu uppbótartímans.
Hér að ofan má sjá svipmyndir úr leiknum, en hann var í beinni útsendingu á mbl.is.