Englandsmeistarar Manchester City eru komnir upp í annað sæti ensku úrvalsdeildarinnar í fótbolta eftir 3:1-sigur á Bournemouth á útivelli í fyrsta leik dagsins.
Sergio Agüero kom Manchester City yfir á 15. mínútu með skoti úr teignum eftir að misheppnað skot Kevin De Bruyne breyttist í stoðsendingu. Raheem Sterling bætti við öðru marki City á 43. mínútu eftir sendingu David Silva, örfáum sekúndum eftir að Adam Smith hafi klikkað á dauðafæri hinum megin.
Bournemouth lagði ekki árar í bát og Harry Wilson minnkaði muninn í 2:1 í uppbótartíma í fyrri hálfleik með stórskotlegu marki beint úr aukaspyrnu. Bournemouth fékk einhver færi til að jafna metin í seinni hálfleik, en það voru gestirnir frá Manchester sem áttu lokaorðið.
Sergio Agüero bætti við öðru marki sínu á 64. mínútu eftir að David Silva sótti inn í teiginn og boltinn datt þægilega fyrir argentínska markahrókinn. City er nú með sjö stig í öðru sæti, tveimur stigum á eftir toppliði Liverpool. Bournemouth er í tíunda sæti með fjögur stig.