Leicester er komið upp í þriðja sæti ensku úrvalsdeildarinnar í knattspyrnu eftir 2:0-útisigur á Crystal Palace á Selhurst Park í dag. Leicester er með fleiri stig eftir 11 umferðir nú en þegar félagið varð óvænt enskur meistari árið 2016.
Leicester er með 23 stig í þriðja sæti, tveimur stigum á eftir Englandsmeisturum Manchester City og fyrir ofan Chelsea á markatölu. Þegar Leicester varð landsmeistari fyrir þremur árum var liðið með 22 stig á sama tíma. Crystal Palace er í 9. sæti með 15 stig.
Svipmyndir úr leiknum, sem var í beinni útsendingu á Símanum Sport, má sjá í spilaranum hér fyrir ofan.