Fer ekki aftur til Leeds

Knatt­spyrnumaður­inn ungi Ben White hef­ur skrifað und­ir nýj­an fjög­urra ára samn­ing hjá Bright­on og þar með bundið enda á mögu­leik­ann á því að hann endi hjá Leeds.

White var að láni hjá Leeds á síðustu leiktíð og hjálpaði liðinu að kom­ast upp úr ensku B-deild­inni í knatt­spyrnu í sum­ar og vildu nýliðarn­ir ólm­ir halda miðverðinum, buðu í hann þris­var sinn­um, síðast 25 millj­ón­ir punda.

For­ráðamenn Bright­on höfnuðu hins veg­ar öll­um til­boðunum og hef­ur nú tek­ist að fá leik­mann­inn til að skrifa und­ir nýj­an lang­tíma­samn­ing. Hann átti áður að renna út á samn­ingi eft­ir tvö ár. White spilaði alla 46 deild­ar­leiki Leeds á síðustu leiktíð og þykir bráðefni­leg­ur en hann er 22 ára gam­all. Bright­on endaði í 15. sæti úr­vals­deild­ar­inn­ar á síðustu leiktíð.

• Blogga um frétt