United horfir til Þýskalands

Ole Gunn­ar Solskjær, knatt­spyrn­u­stjóri enska knatt­spyrnu­fé­lags­ins Manchester United, vill fá franska miðvörðinn Dayot Upa­mecano til þess að leysa varn­ar­vand­ræði fé­lags­ins en hann er samn­ings­bund­inn RB Leipzig í þýsku 1. deild­inni.

United hef­ur haft hægt um sig á leik­manna­markaðnum í sum­ar en fé­lagið er að tryggja sér þjón­ustu hol­lenska sókn­ar­manns­ins Donnys van de Beek frá Ajax og kost­ar hann í kring­um 40 millj­ón­ir punda.

United var sterk­lega orðað við Jadon Sancho, sókn­ar­mann Borussia Dort­mund, all­an síðasta vet­ur en Sancho kost­ar í kring­um 100 millj­ón­ir punda og það er upp­hæð sem for­ráðamenn United eru ekki til­bún­ir að borga.

Upa­mecano er ein­ung­is 21 árs gam­all en hann er samn­ings­bund­inn þýska fé­lag­inu til sum­ars­ins 2023. Hann er verðmet­inn á 40 millj­ón­ir punda en Leipzig-menn hafa lít­inn sem eng­an áhuga á því að selja einn sinn besta mann.

Varn­ar­maður­inn gekk til liðs við Leipzig árið 2017 þegar hann kom frá Red Bull Salzburg. Hann á að baki 83 leiki í þýsku 1. deild­inni þar sem hann hef­ur skorað þrjú mörk og þá á hann að baki 45 lands­leiki fyr­ir yngri landslið Frakka.

• Blogga um frétt