Höfnuðu tilboði frá ensku félagi í Bale

Ga­reth Bale, sókn­ar­maður knatt­spyrnuliðs Real Madrid á Spáni, vill yf­ir­gefa fé­lagið í sum­ar en hann og Zinedine Zi­da­ne, stjóri Real Madrid, ná illa sam­an og vill Walesverj­inn kom­ast burt frá Spáni.

Bale var ná­lægt því að ganga til liðs við kín­verska úr­vals­deild­ar­fé­lagið Jiangsu Sun­ing síðasta sum­ar en Flor­ent­ino Peréz, for­seti Real Madrid, stöðvaði fé­laga­skipt­in á síðustu stundu.

Bale er orðinn 31 árs gam­all en hann gekk til liðs við Real Madrid frá Totten­ham árið 2013 og hef­ur því verið í her­búðum Spán­ar­meist­ar­anna í sjö ár.

Hann hef­ur tví­veg­is orðið Spán­ar­meist­ari með liðinu, einu sinni bikar­meist­ari og fjór­um sinn­um hef­ur hann orðið Evr­ópu­meist­ari með Real Madrid.

Bale hef­ur verið óhepp­inn með meiðsli und­an­far­in ár en hann byrjaði ein­ung­is tólf leiki í spænsku 1. deild­inni á síðasta keppn­is­tíma­bili og þá var hann einu sinni í byrj­un­arliðinu í Meist­ara­deild­inni.

Marca grein­ir frá því að enskt fé­lag hafi lagt fram 89 millj­óna punda til­boð í Bale síðasta sum­ar en því til­boði var hafnað.

Þá grein­ir miðill­inn frá því að bæði Manchester United og Totten­ham hafi áhuga á leik­mann­in­um en það verður að telj­ast ólík­legt að þau séu til­bú­in að borga 89 millj­ón­ir punda fyr­ir hann í dag.

• Blogga um frétt