Ánægður með íslenska landsliðsmanninn

Enska knatt­spyrnu­fé­lagið Evert­on hef­ur fengið tvo sterka miðju­menn til liðs við sig und­an­farna daga og er sá þriðji að bæt­ast við.

James Rodrígu­ez gekk til liðs við fé­lagið frá Real Marid í gær og All­an kom til fé­lags­ins frá Na­poli.

Þá er Frakk­inn Abdoulaye Doucou­ré að ganga til liðs við fé­lagið frá Wat­ford en ís­lenski landsliðsmaður­inn Gylfi Þór Sig­urðsson á tvö ár eft­ir af samn­ingi sín­um við Evert­on.

Mikið hef­ur verið rætt og ritað um framtíð ís­lenska miðju­manns­ins og hef­ur hann verið orðaður við brott­för frá fé­lag­inu í ensk­um fjöl­miðlum í sum­ar.

„Gylfi Þór gæti þurft að sætta sig við meiri bekkj­ar­setu á þess­ari leiktíð,“ sagði Alan Myers, fréttamaður hjá Sky Sports, um mál­efni ís­lenska landsliðsmanns­ins í dag.

„Ancelotti vill meiri sköp­un­ar­gáfu í sitt lið og Rodrígu­ez og Doucou­ré geta svo sann­ar­lega búið eitt­hvað til. Þjálf­ar­inn er hins veg­ar ánægður með Gylfa Sig­urðsson og hann ger­ir sér grein fyr­ir því að hann tefldi hon­um ekki fram í sinni stöðu á síðustu leiktíð.

Ítalski stjór­inn notaði hann líka á könt­un­um og hann gæti reynst mjög hættu­leg­ur leikmaður fyr­ir Evert­on á kom­andi keppn­is­tíma­bili. Hann er með ótrú­lega spyrnu­tækni og góður í föst­um leik­atriðum.

Hann hef­ur verið góður á und­ir­bún­ings­tíma­bil­inu, skoraði gott mark á dög­un­um upp úr engu, og ég get al­veg séð fyr­ir mér að Ancelotti muni halda Gylfa á kom­andi keppn­is­tíma­bili,“ bætti Myers við.

• Blogga um frétt