Frá Lyon til Manchester City

Lucy Bronze er geng­in til liðs við enska knatt­spyrnu­fé­lagið Manchester City á nýj­an leik en þetta staðfesti fé­lagið á sam­fé­lags­miðlum sín­um í dag.

Bronze kem­ur til fé­lags­ins frá Evr­ópu­meist­ur­um Lyon þar sem hún hef­ur leikið frá ár­inu 2017 en hún skrif­ar und­ir tveggja ára samn­ing við City.

Bronze er 28 ára gam­all bakvörður en hún hóf fer­il­inn hjá Sund­erland. Hún varð þríveg­is Frakk­lands­meist­ari með Lyon, þríveg­is Evr­ópu­meist­ari og tví­veg­is bikar­meist­ari.

Þá varð hún Eng­lands­meist­ari með City árið 2016 sem og bikar­meist­ari en hún lék með liðinu frá 2014 til 2017.

Hún á að baki 81 lands­leik fyr­ir Eng­land þar sem hún hef­ur skorað 8 mörk en samn­ing­ur henn­ar við Lyon rann út á dög­un­um.

Hún var val­in leikmaður árs­ins á Englandi 2018 og 2020.

• Blogga um frétt