Klopp: Elskaði félagið áður en ég skrifaði undir

Jür­gen Klopp, knatt­spyrn­u­stjóri Li­verpool, stýrði liðinu til sig­urs í ensku úr­vals­deild­inni á síðasta keppn­is­tíma­bili en þetta var fyrsti Eng­lands­meist­ara­tit­ill fé­lags­ins í þrjá­tíu ár.

Þá var fé­lagið að vinna ensku úr­vals­deild­ina í fyrsta sinn en deild­in var stofnuð árið 1992.

Klopp tók við stjórn­artaum­un­um hjá Li­verpool í októ­ber 2015 og hef­ur liðið orðið Evr­ópu­meist­ari, heims­meist­ari og nú síðast Eng­lands­meist­ari und­ir stjórn þýska stjór­ans.

„Ég elskaði þetta fé­lag áður en ég skrifaði und­ir samn­ing hjá Li­verpool,“ sagði Klopp.

„Fót­bolt­inn skipt­ir öllu máli í Li­verpool og ég vissi strax á fyrsta degi að sam­band mitt við stuðnings­menn fé­lags­ins yrði frá­bært því fót­bolti skipt­ir mig öllu máli.

Fyrst þegar að ég kom þá voru ein­fald­lega ekki nægi­lega marg­ar klukku­stund­ir í sól­ar­hringn­um því ég vildi koma svo miklu í verk á svo stutt­um tíma.

Ég vildi vita allt sem var í gangi og hafði verið í gangi en eft­ir að ég kom til Li­verpool áttaði ég mig á því hversu miklu máli sam­vinna og liðsheild skipt­ir.

Ég vildi þekkja og kynn­ast öll­um sem starfa hjá fé­lag­inu og þegar að ég áttaði mig á því að leik­menn­irn­ir gerðu það ekki gekk ég með þá um allt æf­inga­svæðið til þess að kynna þá fyr­ir öll­um sem störfuðu hjá fé­lag­inu,“ sagði Klopp meðal ann­ars.

Keppni í ensku úr­vals­deild­inni hefst á laug­ar­dag­inn og mbl.is fjall­ar ít­ar­lega um hana í sam­vinnu við Sím­ann Sport.

Jür­gen Klopp hef­ur lagt mikla áherslu á liðsheild og sam­vinnu hjá Li­verpool. AFP

• Blogga um frétt