Klopp: Var með þrjátíu ára bið á bakinu

Jür­gen Klopp, knatt­spyrn­u­stjóri Li­verpool, stýrði liðinu til sig­urs í ensku úr­vals­deild­inni á síðasta keppn­is­tíma­bili en þetta var fyrsti Eng­lands­meist­ara­tit­ill fé­lags­ins í þrjá­tíu ár.

Þá var fé­lagið að vinna ensku úr­vals­deild­ina í fyrsta sinn en deild­in var stofnuð árið 1992.

Klopp tók við stjórn­artaum­un­um hjá Li­verpool í októ­ber 2015 og hef­ur liðið orðið Evr­ópu­meist­ari, heims­meist­ari og nú síðast Eng­lands­meist­ari und­ir stjórn þýska stjór­ans.

„Þegar að við unn­um Meist­ara­deild­ina á síðustu leiktíð vor­um við að sjálf­sögðu sátt­ir en enska úr­vals­deild­in er sú keppni sem við þráðum að vinna,“ sagði Klopp.

„All­ir í kring­um Li­verpool hafa beðið lengi eft­ir Eng­lands­meist­ara­titl­in­um. Sum­ir hafa beðið í þrjá­tíu ár, aðrir í tutt­ugu ár og ég sjálf­ur þurfti að bíða í fjög­ur og hálft ár eft­ir hon­um.

Fólk hef­ur þurft að sýna mikla þol­in­mæði en samt eru all­ir alltaf jafn já­kvæðir. Þegar allt kem­ur til alls þá er ekk­ert grín að vera með þrjá­tíu ára bið á bak­inu á sér,“ sagði Klopp meðal ann­ars.

Keppni í ensku úr­vals­deild­inni hefst á laug­ar­dag­inn og mbl.is fjall­ar ít­ar­lega um hana í sam­vinnu við Sím­ann Sport.

Jür­gen Klopp stýrði Li­verpool til sig­urs í ensku úr­vals­deild­inni á síðustu leiktíð. AFP

• Blogga um frétt