Nýjar stjörnur missa af fyrsta leiknum

Chel­sea mun ekki mæta til leiks með alla sína sterk­ustu menn þegar enska úr­vals­deild­in hefst um helg­ina en Frank Lamp­ard knatt­spyrn­u­stjóri sagði í dag að þrír af þeim nýj­ustu yrðu vænt­an­lega ekki með þegar lið hans sæk­ir Bright­on heim í fyrstu um­ferðinni á mánu­dags­kvöldið.

Það eru þeir Hakim Ziyech sem kom frá Ajax, Thiago Silva sem kom frá Par­ís SG og Ben Chilwell sem kom frá Leicester.

„Hakim Ziyech fékk högg í æf­inga­leik gegn Bright­on og verður von­andi bara frá í tvær vik­ur en það kem­ur í ljós. Ben Chilwell er að kom­ast í form og verður ekki klár  gegn Bright­on en hann er á réttri leið. Thiago Silva er kom­inn til London en byrj­ar ekki að æfa með okk­ur fyrr en um helg­ina svo ég ef­ast um að hann komi  við sögu í Bright­on," sagði Lamp­ard við Sky Sports.

Chel­sea hef­ur held­ur bet­ur styrkt sig fyr­ir tíma­bili en auk þre­menn­ing­ana voru Þjóðverj­arn­ir Kai Havertz og Timo Werner keypt­ir frá Le­verku­sen og RB Leipzig. Fyr­ir þessa leik­menn greiddi Chel­sea sam­tals ríf­lega 200 millj­ón­ir punda en þó kom Thiago Silva til fé­lags­ins án greiðslu.

• Blogga um frétt