Leeds á heima á meðal þeirra bestu (myndskeið)

Enska knatt­spyrnu­fé­lagið Leeds United leik­ur í deild þeirra bestu á kom­andi keppn­is­tíma­bili eft­ir sex­tán ára fjar­veru.

Liðið vann ensku B-deild­ina nokkuð sann­fær­andi á síðustu leiktíð og mæt­ir Li­verpool á An­field í fyrstu um­ferð ensku úr­vals­deild­ar­inn­ar á morg­un, laug­ar­dag. 

Ganamaður­inn Tony Ye­boah, fyrr­ver­andi leikmaður fé­lags­ins, er virki­lega spennt­ur að sjá Leeds aft­ur á meðal þeirra bestu.

„Leeds er fé­lag sem á skilið að vera í ensku úr­vals­deild­inni,“ sagði Ye­boah.

„Þetta er fé­lag sem á heima í deild þeirra bestu. Borg­in er risa­stór og stuðnings­menn fé­lags­ins lifa og hrær­ast fyr­ir fót­bolt­ann.

Þeir eiga líka marga stuðnings­menn út um alla Evr­ópu og þeir eru eitt sögu­fræg­asta lið enska fót­bolt­ans.

Þannig lið vilj­um við hafa í ensku úr­vals­deild­inni,“ bætti Ye­boah við en hann spilaði með Leeds frá 1995 til 1997 og skoraði 24 mörk í 47 leikj­um fyr­ir liðið í úr­vals­deild­inni.

Keppni í ensku úr­vals­deild­inni hefst á morg­un og mbl.is fjall­ar ít­ar­lega um hana í sam­vinnu við Sím­ann Sport.

Leeds United leik­ur í ensku úr­vals­deild­inni á kom­andi keppn­is­tíma­bili eft­ir sex­tán ára fjar­veru. AFP

• Blogga um frétt