„Ég vil vera áfram hjá Arsenal“

Arsenal vann 3:0-sig­ur á Ful­ham á Cra­ven Cotta­ge í opn­un­ar­leik ensku úr­vals­deild­ar­inn­ar í knatt­spyrnu á tíma­bil­inu en þeir Al­ex­andre Lacazette, Gabriel og Pier­re-Emerick Auba­meyang skoruðu mörk­in.

Frétt af mbl.is

Örugg­ur sig­ur Arsenal gegn nýliðunum

Franski fram­herj­inn Lacazette skoraði fyrsta markið og strax að leik lokn­um staðfesti hann í viðtali við BT Sport að hann vildi vera áfram hjá Lund­únaliðinu. „Ég er gríðarlega ánægður hérna, það eru bara fjöl­miðlar sem halda því fram að ég vilji fara, en ég hef alltaf sagst ánægður hjá Arsenal,“ sagði Frakk­inn og vísaði þar í orðróm þess efn­is að hann væri á för­um sem var á kreiki fyrr í sum­ar.

„Ég vil spila og vinna titla hérna,“ bætti hann við að lok­um en áhuga­vert verður að sjá hvort Arsenal geti blandað sér í topp­bar­átt­una í vet­ur. Arsenal lauk keppni í átt­unda sæti á síðasta tíma­bili eft­ir erfiðan vet­ur en liðið varð ensk­ur bik­ar­meist­ari í síðasta mánuði og vann sig­ur gegn Li­verpool í leikn­um um sam­fé­lags­skjöld­inn um síðustu helgi.

• Blogga um frétt