Verður þeim bestu ógnað?

Í fyrsta skipti í þrjá­tíu ár stend­ur Li­verpool frammi fyr­ir því verk­efni að eiga meist­ara­titil að verja í ensku knatt­spyrn­unni. Það hefst í dag þegar nýliðarn­ir í Leeds mæta á An­field í fyrstu um­ferð úr­vals­deild­ar­inn­ar.

Jür­gen Klopp og hans menn voru með ótrú­lega yf­ir­burði á síðustu leiktíð þar sem þeir fengu 99 stig, voru einu stigi frá því að jafna met Manchester City, og skildu Pep Guar­di­ola og læri­sveina hans eft­ir í ryk­inu löngu áður en tíma­bil­inu lauk. Í lok­in skildu átján stig að þessi tvö lang­bestu lið deild­ar­inn­ar og mun­ur­inn var meiri um tíma, áður en Li­verpool gaf aðeins eft­ir á lokakafl­an­um þegar tit­ill­inn var nán­ast í höfn.

Eins og flest annað á þessu ári er byrj­un­in á þessu tíma­bili á Englandi ólíkt því sem knatt­spyrnu­áhuga­menn hafa átt að venj­ast. Kór­ónu­veir­an setti allt úr skorðum þannig að tíma­bil­inu 2019-20 lauk ekki fyrr en í lok júlí og þar með var upp­hafi nýs tíma­bils frestað um fimm vik­ur.

Áfram verður leikið án áhorf­enda, eins og eft­ir að keppni hófst á ný í júní. Óvíst er að áhorf­end­um verði hleypt inn fyrr en á nýju ári, að því er fram kem­ur í um­fjöll­un um ensku knatt­spyrn­una í Morg­un­blaðinu í dag.

Þá eru enn þá ekki öll kurl kom­in til graf­ar varðandi end­an­lega leik­manna­hópa. Fé­laga­skipta­glugg­inn verður áfram op­inn í tæp­an mánuð, eða til 5. októ­ber, þannig að enn þá verður svig­rúm til að sækja sér liðsauka þar til fjór­um um­ferðum verður lokið í deild­inni.

Óbreytt meist­aralið

Í leik­manna­mál­um hef­ur helst vakið at­hygli að meist­ar­ar Li­verpool hafa ekki sótt sér neinn liðsauka, ann­an en vara­skeifu í stöðu vinstri bakv­arðar. Jür­gen Klopp hef­ur staðið fast­ur á því að það þurfi lítið sem ekk­ert að breyta þeim leik­manna­hópi sem gerði það svo gott á nýliðnu tíma­bili. Enda er lið hans ein­stak­lega vel mannað en marg­ir hafa þó gagn­rýnt Klopp og fé­lagið fyr­ir að sækja ekki tvo til þrjá menn til að halda stjörn­un­um á tán­um.

Grein­in í heild sinni er í Morg­un­blaðinu í dag.