City missteig sig gegn nýliðunum

Manchester City tapaði stig­um ann­an leik­inn í röð í ensku úr­vals­deild­inni í fót­bolta í kvöld er liðið heim­sótti nýliða Leeds á El­l­and Road. Eft­ir stór­skemmti­leg­an leik skiptu liðin með sér stig­un­um eft­ir 1:1-jafn­tefli. 

Manchester City byrjaði miklu bet­ur og sótti án af­láts fyrstu 20 mín­út­urn­ar. Það skilaði marki því Raheem Sterl­ing skoraði á 17. mín­útu er hann fór illa með tvo varn­ar­menn og skoraði gott mark með skoti í fjær­hornið. 

Eft­ir markið komst Leeds bet­ur inn í leik­inn og fékk tvö góð færi til að jafna en Eder­son í marki City stóð vakt­ina vel. Leeds var betri aðil­inn fram­an af í seinni hálfleik og spænski landsliðsmaður­inn Rodrigo kom inn á sem varamaður á 56. mín­útu. Aðeins þrem­ur mín­út­um síðar var hann bú­inn að jafna í 1:1 er hann kláraði inn­an teigs eft­ir mis­tök hjá Eder­son í mark­inu. 

Bæði lið fengu fín færi til að skora sig­ur­markið Eder­son varði m.a. frá Rodrigo og Kevin De Bruyne skaut rétt fram­hjá. Urðu mörk­in hins veg­ar ekki fleiri og liðin skiptu með sér stig­un­um. 

Leeds hef­ur farið afar vel af stað í deild­inni og er liðið í fimma sæti með sjö stig. City er í tí­unda sæti með fjög­ur stig. 

Leeds	1:1	Man. City	Opna lýs­ingu Loka
90. mín. Man. City fær horn­spyrnu Ayl­ing skall­ar bolt­ann aft­ur fyr­ir eft­ir hættu­lega fyr­ir­gjöf.
Rodrigo (59. mín.) Mörk Raheem Sterling (17. mín.) Patrick Bamford (12. mín.) Stuart Dallas (90. mín.) Spjöld Benjamin Mendy (36. mín.) mín. 90 Hálfleikur City missstígur sig annan leikinn í röð og nú gegn nýliðunum. Glæsilegt stig fyrir Leeds sem hefur farið vel af stað í deild þeirra bestu. 90 Bamford skallar boltann á eigið mark en sem betur fer fyrir hann er Meslier vel á verði og bjargar sjálfsmarki. 90 Stuart Dallas (Leeds) fær gult spjald Sparkar Bernardo Silva niður. 90 sekúndur eftir af uppbótartímanum. 90 Það verða að minnsta kosti þrjár mínútur í uppbótartíma. 90 Man. City fær hornspyrnu Ayling skallar boltann aftur fyrir eftir hættulega fyrirgjöf. 89 Raheem Sterling (Man. City) á skalla sem fer framhjá Losnar í teignum en skallinn framhjá. Nýliðarnir eru ansi nálægt því að ná í dýrmætt stig gegn stórstjörnunum í Manchester City. 88 Man. City fær hornspyrnu City fær aðra tilraun. 87 Man. City fær hornspyrnu Foden með sendingu í varnarmann og aftur fyrir. 86 Patrick Bamford (Leeds) á skot sem er varið Dauðafæri! Sleppur enn í gegn en enn og aftur er Ederson að verja. Var mögulega í rangstöðu en Ederson gerði þetta samt vel. 86 Foden með stórhættulega fyrirgjöf en Meslier gerir gríðarlega vel og er á undan Sterling í boltann. 86 Aftur fer Sterling niður og aftur vill hann víti en aftur segir Mike Dean nei. 85 Raheem Sterling (Man. City) á skot framhjá Hættulegt skot rétt utan teigs en rétt framhjá fjærstönginni. City ætlar sér að skora sigurmark. 84 Sterling fer niður innan teigs eftir samstuð við Leif Davis og vill víti en Mike Dean segir nei. Sex mínútur eftir af venjulegum leiktíma. 82 Bernardo Silva (Man. City) á skot framhjá De Bruyne með sendingu á Silva en skotið rétt yfir. City-menn sterkari síðustu mínútur. 81 Fernandinho (Man. City) á skot framhjá Af 20 metra færi eða svo en boltinn rétt framjá. Fín tilraun hjá varamanninum. 76 Fernandinho (Man. City) kemur inn á 76 Riyad Mahrez (Man. City) fer af velli 76 Leif Davis (Leeds) kemur inn á 76 Mateusz Klich (Leeds) fer af velli Virðist orðinn þreyttur. 75 Man. City fær hornspyrnu Foden reynir skot en Luke Ayling kastar sér á boltann. 74 Patrick Bamford (Leeds) á skot sem er varið Færi! Rodrigo með hættulega fyrirgjöf og Bamford setur löppina í boltann en enn og aftur ver Ederson vel. Síðustu 20 mínúturnar eru búnar að vera stórskemmtilegar. 73 Leeds fær hornspyrnu Costa með skot í varnarmann og aftur fyrir. 72 Dauðafæri! Sterling sleppur einn í gegn en hann er of lengi að skjóta og Meslier hirðir boltann af honum að lokum. Þetta er stórskemmtilegur leikur og liðin sækja til skiptis. 71 Nathan Aké (Man. City) kemur inn á 71 Benjamin Mendy (Man. City) fer af velli Er á spjaldi og í smávandræðum. 69 Leeds fær hornspyrnu 69 Rodrigo (Leeds) á skalla sem er varinn Hársbreidd frá því að koma Leeds yfir. Ayling með fyrirgjöfina og Rodrigo með mjög góðan skalla en Ederson ver stórkostlega. Ederson búinn að vera besti leikmaður City í dag. 68 Liam Cooper (Leeds) á skalla í stöng Eftir aukaspyrnu frá Phillips. Þetta hefði ekki talið þar sem flaggið var komið á loft. Góður skalli samt. 67 Riyad Mahrez (Man. City) á skot sem er varið Aftur reynir Mahrez en aftur er það misheppnað, nú með vinstri en langt framhjá. 66 Riyad Mahrez (Man. City) á skot framhjá City vinnur boltann á fínum stað og Mahrez kemst í fínt færi en hægrifótarskot hans fer nokkuð langt framhjá. 65 Bernardo Silva (Man. City) kemur inn á 65 Ferran Torres (Man. City) fer af velli 64 Kevin De Bruyne (Man. City) á skot framhjá Stórhættulegt skot en rétt framhjá fjærstönginni. Liðin sækja til skiptis. 64 Kalvin Phillips (Leeds) á skot sem er varið Falleg sókn hjá Leeds endar með skoti frá Phillips af 20 metra færi, nokkuð beint á Ederson. 62 Man. City fær hornspyrnu Snögg sókn og De Bruyne nær í horn. 59 MARK! Rodrigo (Leeds) skorar 1:1 - Nýliðarnir er búnir að jafna og það er varamaðurinn! Rodrigo var ekki lengi að þessu. Fljótastur að átta sig eftir að Ederson sló boltann frá eftir hornið. Þetta er verðskuldað miðað við síðustu 30 mínútur eða svo. Þetta tók Rodrigo þrjár mínútur. Alvöruinnkoma af bekknum. 58 Leeds fær hornspyrnu 58 Rodrigo (Leeds) á skot sem er varið Fljótur að láta að sér kveða. Fer á varnarmann og lætur bara vaða en Ederson ver þetta mjög vel. 58 Hnífjafn leikur þessa stundina. Manchester City var miklu betra liðið fyrstu 20 mínúturnar, síðan var Leeds töluvert sterkari og nú er þetta jafnt og áhugavert. 56 Rodrigo (Leeds) kemur inn á Dýrasti leikmaðurinn í sögu Leeds er mættur á völlinn. 56 Tyler Roberts (Leeds) fer af velli 52 Flott spil hjá Leeds. Heimamenn ná að galopna vörnina hjá City en þetta rennur út í sandinn þegar Ayling kemur með fyrirgjöf beint út af. 51 Róleg byrjun á seinni hálfleiknum. Leeds meira með boltann en engin færi. 46 Leeds fær hornspyrnu 46 Ian Poveda (Leeds) kemur inn á 46 Gianni Alioski (Leeds) fer af velli 45 Leik lokið Fyrstu 20 mínúturnar algjör eign gestanna en heimamenn í Leeds voru betri síðustu 20 og voru óheppnir að jafna ekki. 45 Luke Ayling (Leeds) á skot sem er varið Færi! Ayling fer illa með einn varnarmann og er kominn einn gegn Ederson en markvörðurinn ver mjög vel. Leeds búið að fá mjög góð færi til að skora. 44 Leeds fær hornspyrnu Costa með sendingu í varnarmann og aftur fyrir. City var með mikla yfirburði framan af en Leeds er búið að spila vel síðustu 20 mínúturnar. 39 Phil Foden (Man. City) á skot framhjá Foden sækir á Stuart Dallas og lætur bara vaða snemma en rétt yfir markið. 37 Leeds fær hornspyrnu 37 Stuart Dallas (Leeds) á skot sem er varið Færi! Besta færi Leeds til þessa. Skemmtileg spilamennska hjá Leeds og Dallas kemst einn gegn Ederson en Brasilíumaðurinn ver vel. Þarna var Leeds nálægt því að jafna. 36 Benjamin Mendy (Man. City) fær gult spjald Var að missa Costa framhjá sér og sparkaði hann niður. 29 Leeds er aðeins að komast inn í leikinn. Flott sókn upp hægri kantinn en Ederson er vakandi í markinu og nær til boltans á undan sóknarmönnum Leeds. 24 Patrick Bamford (Leeds) á skot framhjá Skemmtileg sókn hjá heimamönnum. Spila boltanum vel saman en Bamford endar á því að taka skotið í mjög þröngu færi og lítil hætta. 22 Phil Foden (Man. City) á skot framhjá Kalvin Phillips missir boltann á hættulegum stað og Foden fær fínt færi en rennir boltanum framhjá úr fínu færi. 21 Aymeric Laporte (Man. City) á skalla sem fer framhjá De Bruyne með hornið og Laporte skallar rétt framhjá. Sókn Manchester City heldur áfram. 21 Man. City fær hornspyrnu 17 MARK! Raheem Sterling (Man. City) skorar 0:1 - Þetta er búið að liggja í loftinu frá fyrstu mínútu. Sterling fær boltann vinstra megin í teignum, leikur á tvo og leggur boltann í bláhornið fjær. 16 Ferran Torres (Man. City) á skot sem er varið Færi! Sterling fer illa með Ayling og sendir út á Torres sem neglir að marki en Stuart Dallas er réttur maður á réttum stað og bjargar á línu. Þetta hlýtur að enda með marki hjá gestunum. 14 Gianni Alioski (Leeds) á skalla sem fer framhjá Fyrsta tækifæri Leeds er fínt! Ayling með flotta fyrirgjöf og Alioski skallar rétt yfir af stuttu færi. Þarna átti hann að hitta markið. 13 City-menn eru að þröngva Leeds-liðinu í mistök. Hvað eftir annað koma slakar sendingar hjá nýliðunum sem eru að búa til hættulegar stöður fyrir City. 12 Patrick Bamford (Leeds) fær gult spjald Fór með olnbogann í Laporte og fær fyrsta gula spjald leiksins. 12 Rúben Dias (Man. City) á skalla sem fer framhjá Skallar framhjá nærstönginni eftir hornspyrnu frá Mahrez. 11 Man. City fær hornspyrnu Meslier með slaka sendingu fram völlinn, beint á De Bruyne sem sækir að marki, reynir skot en í varnarmann og aftur fyrir. 8 Nýliðarnir hafa lítið komist yfir miðju. City-liðið kemur ákveðið til leiks eftir skellinn gegn Leicester í síðasta deildarleik. 4 Man. City fær hornspyrnu Stanslaus sókn hjá Manchester City í upphafi leiks. 3 Man. City fær hornspyrnu 3 Kevin De Bruyne (Man. City) á skot í stöng Stórsókn City heldur áfram. Allir í vörn Leeds bíða eftir fyrirgjöf hjá De Bruyne eftir aukaspyrnu en hann lætur vaða og í stöngina. Þarna voru allir steinsofandi í vörn Leeds og De Bruyne nálægt því að refsa með stórglæsilegu marki. 2 Raheem Sterling (Man. City) á skot framhjá Áfram sækir City. Sterling reynir skot rétt utan teigs en skrúfar boltann framhjá fjærstönginni. 1 Man. City fær hornspyrnu Hröð byrjun hjá City. Walker með skot í varnarmann og aftur fyrir. 1 Leikur hafinn Gestirnir byrja með boltann. 0 Here's your City line-up! 👀 STARTING XI | Ederson, Walker, Dias, Laporte, Mendy, Rodrigo, De Bruyne (C), Foden, Mahrez, Sterling, Torres SUBS | Steffen, Stones, Bernardo, Ake, Fernandinho, Delap, Palmer ⚽️ @HaysWorldwide 🔷 #ManCity | https://t.co/axa0klD5re pic.twitter.com/5AgXce3VlX — Manchester City (@ManCity) October 3, 2020 0 📋 One change to the Starting XI as Alioski is drafted in for Harrison, who is ineligible for today's game — Leeds United (@LUFC) October 3, 2020 0 Leeds er með sex stig eftir þrjá leiki. Unnu nýliðarnir bæði Fulham og Sheffield United eftir naumt tap fyrir Liverpool í fyrstu umferð. City er með þrjú stig eftir sigur á Wolves og svo 2:5-skell gegn Leicester í síðustu umferð. 0 Jack Harrison leikur ekki með Leeds í dag þar sem hann er að láni frá Manchester City og er því ekki löglegur. Gianni Alioski kemur inn fyrir hann, enda Marcelo Bielsa ekki þekktur fyrir að breyta liðinu sínu mikið á milli leikja. 0 Rúben Dias nýjasti leikmaður Manchester City fer beint í hjarta varnarinnar. Liðið er enn án Gabriel Jesus og Sergio Aguero og er Raheem Sterling því fremsti maður. 0 Nýliðar Leeds taka á móti Manchester City í fjórðu umferð ensku úrvalsdeildarinnar í knattspyrnu klukkan 16:30 í dag. Sjá meira Sjá allt Leeds: (4-5-1) Mark: Illan Meslier. Vörn: Luke Ayling, Robin Koch, Liam Cooper, Stuart Dallas . Miðja: Hélder Costa, Mateusz Klich (Leif Davis 76), Kalvin Phillips, Tyler Roberts (Rodrigo 56), Gianni Alioski (Ian Poveda 46). Sókn: Patrick Bamford. Varamenn: Elia Carprile (M), Ian Poveda, Diego Llorente, Rodrigo, Pascal Struijk, Leif Davis, Jamie Shackleton. Man. City: (4-3-3) Mark: Ederson. Vörn: Kyle Walker, Rúben Dias, Aymeric Laporte, Benjamin Mendy (Nathan Aké 71). Miðja: Kevin De Bruyne, Rodri, Ferran Torres (Bernardo Silva 65). Sókn: Riyad Mahrez (Fernandinho 76), Raheem Sterling. Varamenn: Zack Steffen (M), John Stones, Nathan Aké, Bernardo Silva, Fernandinho, Liam Delap, Cole Palmer. Skot: Leeds 11 (9) - Man. City 15 (4) Horn: Man. City 10 - Leeds 6. Lýsandi: Völlur: Elland Road Leikur hefst 3. okt. 2020 16:30 Aðstæður: Dómari: Mike Dean Aðstoðardómarar:

• Blogga um frétt