Ég er aðalmarkvörður Arsenal

Bernd Leno, markvörður enska knatt­spyrnu­fé­lags­ins Arsenal, var hetja liðsins þegar Arsenal fór áfram í átta liða úr­slit enska deilda­bik­ars­ins eft­ir sig­ur gegn Li­verpool á An­field í Li­verpool í víta­keppni.

Leno varði tvær víta­spyrn­ur í víta­keppn­inni sem lauk með 5:4-sigri Arsenal en staðan að lokn­um venju­leg­um leiktíma var marka­laus.

Þýski markvörður­inn stóð sig einnig mjög vel í leikn­um sjálf­um en Rún­ar Alex Rún­ars­son, landsliðsmarkvörður Íslands, gekk til liðs við fé­lagið á dög­un­um.

„Frá því ég kom fyrst til Arsenal hef­ur mér alltaf liðið vel hérna og ég finn fyr­ir miklu trausti í minn garð,“ sagði Leno eft­ir leik­inn.

„Ég er aðal­markvörður Arsenal og ég verð áfram aðal­markvörður Arsenal.

Mitt hlut­verk inn­an liðsins er að sýna það og sanna af hverju ég er markvörður núm­er eitt hjá fé­lag­inu og ég gerði það í kvöld,“ bætti Leno við eft­ir leik Li­verpool og Arsenal.

• Blogga um frétt