Tottenham valtaði yfir United á Old Trafford

Totten­ham gerði sér lítið fyr­ir og vann 6:1-sig­ur á Manchester United er liðin mætt­ust á Old Trafford í ensku úr­vals­deild­inni í fót­bolta í dag. 

Ótrú­legt en satt þá byrjaði United bet­ur og fékk víta­spyrnu eft­ir aðeins 30 sek­únd­ur sem Buno Fern­and­es skoraði úr. Eft­ir það var leik­ur­inn eign Totten­ham-manna. 

Tanguy Ndombé­lé jafnaði strax á 4. mín­útu og þemur mín­út­um síðar var Heung-Min Son bú­inn að koma Totten­ham yfir. Vendipunkt­ur­inn kom svo á 29. mín­útu þegar Ant­hony Martial fékk beint rautt spjald fyr­ir að slá laust til Ériks Lamela. Varð eft­ir­leik­ur­inn auðveld­ur fyr­ir Totten­ham. 

Harry Kane bætti við þriðja mark­inu á 31. mín­útu og Son skoraði sitt annað mark og fjórða mark Totten­ham á 37. mín­útu og var staðan í hálfleik 4:1, Totten­ham í vil. 

Gest­irn­ir slökuðu lítið á í seinni hálfleik og Ser­ge Aurier bætti við fimmta mark­inu á 51. mín­útu og Kane skoraði sitt annað mark úr víti á 79. mín­útu eft­ir að Ben Davies var felld­ur inn­an teigs.

Lítið markvert gerðist á síðustu tíu mín­út­un­um og Totten­ham fagnaði ótrú­leg­um sigri.  

Ant­hony Martial fær rauða spjaldið. AFP

Man. Utd	1:6	Totten­ham	Opna lýs­ingu Loka
90. mín. Leik lokið Mour­in­ho fer á gamla heima­völl­inn og rasskell­ir Manchester United. Ótrú­leg­ur leik­ur.
Bruno Fernandes (2. mín.) Mörk Tanguy Ndombélé (4. mín.) Heung-Min Son (7. mín.) Harry Kane (31. mín.) Heung-Min Son (37. mín.) Serge Aurier (51. mín.) Harry Kane (79. mín.) Anthony Martial (29. mín.) Eric Bailly (62. mín.) Luke Shaw (84. mín.) Spjöld Érik Lamela (29. mín.) mín. 90 Leik lokið Mourinho fer á gamla heimavöllinn og rasskellir Manchester United. Ótrúlegur leikur. 84 Luke Shaw (Man. Utd) fær gult spjald Sparkar Moura niður. 83 Man. Utd fær hornspyrnu 79 MARK! Harry Kane (Tottenham) skorar úr víti 1:6 - Tottenham er að niðurlægja Manchester United á Old Trafford. De Gea fór í rétt horn en en spyrnan var gífurlega föst og í bláhornið. 78 Tottenham fær víti Ben Davies fer inn í teig, leikur á Wan-Bissaka, en svo kemur Pogba á fleygiferð og tekur hann niður. Tottenham getur skorað sjötta markið. 73 Ben Davies (Tottenham) kemur inn á 73 Heung-Min Son (Tottenham) fer af velli 73 Dele Alli (Tottenham) á skalla sem fer framhjá Hátt yfir eftir hornið. 72 Tottenham fær hornspyrnu 72 Harry Kane (Tottenham) á skot sem er varið Kane sleppur inn fyrir vörnina eftir slaka sendingu Fred en de Gea er snöggur niður og ver vel frá Kane. 69 Dele Alli (Tottenham) kemur inn á 69 Tanguy Ndombélé (Tottenham) fer af velli 67 Donny van de Beek (Man. Utd) kemur inn á 67 Mason Greenwood (Man. Utd) fer af velli 62 Eric Bailly (Man. Utd) fær gult spjald Brýtur á Son og Suður-Kóreumaðurinn liggur eftir. 60 Kane með fína fyrirgjöf en de Gea er snöggur að hugsa og nær til boltans á undan sóknarmönnum Tottenham. 57 Tanguy Ndombélé (Tottenham) á skot framhjá Af löngu færi og yfir. Hættulaust. Það kæmi ekki á óvart ef við fengjum fleiri mörk. 55 Harry Kane (Tottenham) á skot framhjá Af 20 metra færi eða svo, nokkuð framhjá. 54 Paul Pogba (Man. Utd) á skalla sem fer framhjá Shaw með fyrirgjöf og Pogba skallar nokkuð hátt yfir. 51 MARK! Serge Aurier (Tottenham) skorar 1:5 - Höjberg með fallega stungusendingu inn á Aurier og bakvörðurinn skorar með föstu skoti í bláhornið. Ótrúlegar tölur á Old Trafford. Hvar endar þetta? 46 Bæði lið með breytingar í hálfleik og Solskjær skiptir tveimur miðjumönnum. Donny van de Beek situr hinsvegar sem fastast á bekknum. 46 Fred (Man. Utd) kemur inn á 46 Bruno Fernandes (Man. Utd) fer af velli 46 Scott McTominay (Man. Utd) kemur inn á 46 Nemanja Matić (Man. Utd) fer af velli 46 Seinni hálfleikur hafinn 46 Lucas Moura (Tottenham) kemur inn á 46 Érik Lamela (Tottenham) fer af velli 45 Hálfleikur Ótrúlegum fyrri hálfleik lokið. Fimm mörk og eitt rautt spjald. 45 Man. Utd fær hornspyrnu 45 Harry Kane (Tottenham) á skalla sem fer framhjá Færi! Son með hornið og Kane skallar hárfínt framhjá fjærstönginni. 45 Tottenham fær hornspyrnu Aurier með sendingu í varnarmann og aftur fyrir. 37 MARK! Heung-Min Son (Tottenham) skorar 1:4 - Þetta er svo einfalt. Aurier klobbar Maguire og sendir fyrir á Son sem klobbar de Gea úr þröngu færi. Þetta er algjör rasskelling og að hugsa sér að United komst yfir eftir tvær mínútur. 31 MARK! Harry Kane (Tottenham) skorar 1:3 - Varnarmenn United gefa boltann kjánalega frá sér og það endar með að Son sendir fyrir á Kane sem getur ekki annað að skorað. Þvílík martröð hjá United eftir mark strax í byrjun. 29 Érik Lamela (Tottenham) fær gult spjald Fær gult spjald fyrir sinn þátt í þessu. 29 Anthony Martial (Man. Utd) fær rautt spjald Vont verður verra hjá United. Áður en hornið er tekið er smá atgangur á milli Martial og Lamela og það endar með að Martial slær Lamela utan undir og fær fyrir það rautt spjald. Þetta var ekki alvarlegt en Anthony Taylor er viss í sinni sök. Lamela setti olnbogann í Martial fyrst en hann sleppur með skrekkinn. 28 Tottenham fær hornspyrnu Stórsókn hjá Tottenham. Fyrst átti Höjberg skot að marki og svo Ndombélé. Í bæði skiptin fór Bailly fyrir og bjargaði. 27 Tottenham fær hornspyrnu Lamela með skot í Bailly og boltinn rétt framhjá. 27 Serge Aurier (Tottenham) á skot sem er varið Kemur sér inn í teiginn og á fínt skot að marki en De Gea er vel staðsettur. Tottenham er að skapa sér fullt af færum. 25 Færi! Lamela með langa sendingu fram og Son sleppur einn gegn De Gea en nú missir hann boltann aðeins of langt frá sér og spænski markvörðurinn náði til hans. Þetta var gott færi til að skora þriðja mark Tottenham. 23 Mason Greenwood (Man. Utd) á skot framhjá Eldsnöggur að láta vaða utarlega í teignum. Boltinn rétt framhjá. Virkilega góður skotmaður. 21 Mason Greenwood (Man. Utd) á skot sem er varið Í varnarmann og auðvelt fyrir Lloris. 20 Marcus Rashford (Man. Utd) á skot í stöng Rashford kemur sér í færi eftir sendingu Bruno Fernandes og neglir boltanum í stöngina. Nálægt því að skora fjórða mark leiksins á 20. mínútu. 17 Eftir þrjú mörk á sjö mínútum er ekki komið eitt einasta mark á næstu tíu mínútum. Mikil vonbrigði. Tottenham er meira með boltann. 7 MARK! Heung-Min Son (Tottenham) skorar 1:2 - Þetta er eins og handboltaleikur! Kane er fljótur að hugsa og stingur boltanum inn á Son úr aukaspyrnu og Son klárar snyrtilega framhjá De Gea. Þessi byrjun er lygileg! 6 Mason Greenwood (Man. Utd) á skot sem er varið Af 20 metra færi eða svo. Vantaði kraft í þetta og Lloris ver auðveldlega. 4 MARK! Tanguy Ndombélé (Tottenham) skorar 1:1 - Þvílík byrjun! Einhver lélegasti varnarleikur sem sést hefur hjá United í þessu marki. Röð skelfilegra mistaka leikmanna United gera það að verkum að Ndombélé fær gott færi sem hann nýtir vel. 2 MARK! Bruno Fernandes (Man. Utd) skorar úr víti 1:0 - Tekur valhoppið sitt góða og skorar af öyggi. Þvílík vítaskytta. 1 Man. Utd fær víti Eftir 30 sekúndur! Davinson Sánchez missir Martial framhjá sér og tekur hann niður. Þvílík byrjun. 1 Leikur hafinn United byrjar með boltann. 0 📋 Lloris (C), Aurier, Dier, Sanchez, Reguilon, Hojbjerg, Sissoko, Ndombele, Lamela, Son, Kane. 📲 @WilliamHill latest (18+)https://t.co/O8LK7VM71v#THFC ⚪️ #COYS pic.twitter.com/9bFxPE34L1 — Tottenham Hotspur (@SpursOfficial) October 4, 2020 0 🚨 Here's how we line up to take on Spurs this afternoon! 📋#MUFC #MUNTOT — Manchester United (@ManUtd) October 4, 2020 0 Tottenham hefur leikið þrjá leiki; unnið einn, gert eitt jafntefli og tapað einum. Manchester United er með einn sigur og eitt tap í fyrstu tveimur leikjunum. 0 Góðan dag og verið velkomin með mbl.is í beina textalýsingu frá leik Manchester United og Tottenham í ensku úrvalsdeildinni í fótbolta. Sjá meira Sjá allt Man. Utd: (4-3-3) Mark: David de Gea. Vörn: Aaron Wan-Bissaka, Eric Bailly, Harry Maguire, Luke Shaw. Miðja: Paul Pogba, Bruno Fernandes (Fred 46), Nemanja Matić (Scott McTominay 46). Sókn: Mason Greenwood (Donny van de Beek 67), Anthony Martial, Marcus Rashford. Varamenn: Dean Henderson (M), Victor Lindelöf, Juan Mata, Jesse Lingard, Fred, Donny van de Beek, Scott McTominay. Tottenham: (4-3-3) Mark: Hugo Lloris. Vörn: Serge Aurier, Davinson Sánchez, Eric Dier, Sergio Reguilón. Miðja: Moussa Sissoko, Pierre-Emile Höjbjerg, Tanguy Ndombélé (Dele Alli 69). Sókn: Érik Lamela (Lucas Moura 46), Harry Kane, Heung-Min Son (Ben Davies 73). Varamenn: Joe Hart (M), Matt Doherty, Toby Alderweireld, Harry Winks, Dele Alli, Lucas Moura, Ben Davies. Skot: Man. Utd 6 (4) - Tottenham 12 (8) Horn: Man. Utd 2 - Tottenham 4. Lýsandi: Völlur: Old Trafford Leikur hefst 4. okt. 2020 15:30 Aðstæður: Dómari: Anthony Taylor Aðstoðardómarar:

• Blogga um frétt