Gylfi með langhæstu launin
Setja bókamerki
Gylfi Þór Sigurðsson er langlaunahæsti íslenski knattspyrnumaðurinn en hann fær um 850 milljónir króna í árslaun hjá enska úrvalsdeildarfélaginu Everton. Gylfi hefur um árabil þénað mest íslenskra atvinnumanna. Viðskiptablaðið tók saman laun íslenskra knattspyrnumanna.
Jóhann Berg Guðmundsson er í öðru sæti með 350 milljónir króna í árslaun hjá Burnley og Aron Einar Gunnarsson fær 280 milljónir á ári hjá Al-Arabi í Katar. Þá er Alfreð Finnbogason í fjórða sæti með 270 milljónir króna hjá þýska félaginu Augsburg.
Rúnar Alex Rúnarsson hækkaði duglega í launum þegar hann skipti úr Dijon í Frakklandi og til Arsenal á Englandi. Fór hann úr um 60 milljónum króna og yfir í 220 milljónir í árslaun.
Þá kemur fram í umfjöllun Viðskiptablaðsins að nokkrir leikmenn hafi lækkað verulega í launum er þeir yfirgáfu rússnesk félög. Viðar Örn Kjartansson, Björn Bergmann Sigurðarson, Jón Guðni Fjóluson og Ragnar Sigurðsson yfirgáfu allir rússnesk félög á síðasta ári og fóru til félaga á Norðurlöndunum.
Við urðum að byrja upp á nýtt
Sama orðræða um konur og í Klaustursmálinu
Telur njósnirnar vega að lýðræðinu á Íslandi
Neyðarástand kalli á tafarlaus viðbrögð
Áfram eftirlit á Lundi og rætt við starfsfólk