Fyrsti sigur ársins hjá Liverpool

Liverpool vann sinn fyrsta sigur á árinu í ensku úrvalsdeildinni í fótbolta er meistararnir heimsóttu Tottenham til Lundúna í kvöld og fögnuðu 3:1-sigri. 

Liverpool komst yfir með marki frá Roberto Firmino í blálok fyrri hálfleiks og strax í upphafi seinni hálfleiks bætti Trent Alexander-Arnold við marki. Tveimur mínútum síðar minnkaði Pierre-Emilie Höjbjerg muninn fyrir Tottenham, 2:1. 

Liverpool var hins vegar áfram sterkari aðilinn og skoraði verðskuldað þriðja mark á 65. mínútu er Sadio Mané skoraði eftir sendingu frá Alexander-Arnold og þar við sat. 

Meistararnir eru nú í fjórða sæti með 37 stig, fimm stigum frá toppliði Manchester City sem á leik til góða. Tottenham er í sjötta sæti með 33 stig. 

Tottenham	1:3	Liverpool	Opna lýsingu Loka
90. mín. Það verða að minnsta kosti fimm mínútur í uppbótartíma.
Augnablik — sæki gögn...

• Blogga um frétt