Klopp telur meiðslin alvarleg - tveir varnarmenn úr leik

Meiðslavandræði herja enn á miðverði ensku meistaranna Liverpool eða þá leikmenn sem fylla í skörðin í þeim stöðum en Jürgen Klopp knattspyrnustjóri staðfesti eftir sigurinn á Tottenham að tveir væru úr leik.

Fabinho, sem hefur hlaupið í skarðið fyrir Virgil van Dijk sem miðvörður í vetur gat ekki spilað í kvöld og Klopp staðfesti að hann væri úr leik vegna tognunar.

Joel Matip, sem er nýstiginn upp úr meiðslum, þurfti að hætta keppni í hálfleik í kvöld og Klopp sagði að útlit væri fyrir að meiðsli hans væru alvarleg.

Nat Philips kom í stað Matips í hálfleik og Jordan Henderson þurfti enn á ný að bregða sér í vörnina og tók þar stöðu Fabinhos í kvöld.

• Blogga um frétt