United þorir ekki að vera í titilbaráttu
Setja bókamerki
Roy Keane, fyrrverandi fyrirliði Manchester United, gagnrýndi liðið eftir markalausa jafnteflið við Arsenal á útivelli í ensku úrvalsdeildinni í fótbolta í kvöld.
United fékk bestu færin í leiknum en Edinson Cavani fór illa með tvö dauðafæri í seinni hálfleik og því fór sem fór. Keane var ekki sáttur við aðeins eitt stig þar sem Bukayo Saka, Pierre-Emerick Aubameyang og Kieren Tierney léku ekki með Arsenal í leiknum.
„Ég klóra mér í hausnum yfir United,“ sagði Keane á Sky Sports. „Ég hef áhyggjur af þeim þar sem þeir trúðu ekki að þeir gætu unnið í kvöld. Við erum að tala um United og það vantaði leikmenn hjá Arsenal. Það vantaði ákafa, gæði og vilja til að vinna leikinn. Arsenal átti skilið jafntefli,“ sagði Keane.
United var í toppsætinu á dögunum en eitt stig í tveimur leikjum gegn Sheffield United og Arsenal hefur gert það að verkum að Manchester City situr nú í toppsætinu, fjórum stigum fyrir ofan granna sína.
„Þeir voru allt í einu komnir í toppsætið en um leið og þeir voru komnir þangað urðu leikmenn hræddir við áskorunina. Þeir eru ekki tilbúnir,“ sagði Írinn.
„Sá það bara hverfa í einni vindhviðu“
Lofaði kjósendum að knýja fram breytingar
Um 90 milljónir í vanskilum
Nýtt að gestalistinn sé umræðuefni á Alþingi
Snapchat verst af þeim öllum
„Það var blóðlykt“
Buðu upp á æfingar án öryggisúttektar