Risatilboð frá Englandi í Skagamanninn?
Setja bókamerki
Enska úrvalsdeildarfélagið Wolves lagði fram risatilboð í íslenska knattspyrnumanninn Ísak Bergmann Jóhannesson í janúarglugganum.
Þetta kom fram í hlaðvarpsþættinum Dr. Football í dag en Ísak hefur verið orðaður við stærstu lið Evrópu undanfarna mánuði.
Skagamaðurinn er samningsbundinn Norrköping í sænsku úrvalsdeildinni en hann er einungis 17 ára gamall og lék sinn fyrsta A-landsleik á síðasta ári þegar hann kom inn á sem varamaður gegn Englandi í Þjóðadeild UEFA á Wembley.
„Það kom alvörutilboð í hann frá Úlfunum en ég fékk aldrei að heyra hversu hátt það var,“ sagði Hjörvar Hafliðason í Dr. Football í dag.
„Norrköping voru tilbúnir að selja hann fyrir þessa upphæð en 17 ára guttinn sagði bara nei.
Hann vildi taka eitt ár í viðbót hjá Norrköping. Pælið í því að vera með þroskann til þess að hafna þessu og taka svona ákvörðun,“ bætti Hjörvar við.
Leikmaðurinn var sterklega orðaður við Red Bull Salzburg í vetur en nú er ljóst að hann ætlar sér að taka allavega eitt tímabil í viðbót í Svíþjóð.
„Ég veit hver aðkoma ráðuneytisins var“
Óskar atbeina Alþingis vegna byrlunar
Lofaði kjósendum að knýja fram breytingar
„Bara eins og í annarri stórgripaslátrun“
Tilkynningar um tjón á fjórða hundrað
Nýtt að gestalistinn sé umræðuefni á Alþingi
„Lán að sá sem stóð við ræsið heyrði skruðningana“
