Aðeins einn með verri tölfræði en de Gea

David de Gea átti ekki sinn besta leik í marki Manchester United í 3:3-jafnteflinu við Everton í ensku úrvalsdeildinni í fótbolta í gærkvöldi. 

De Gea átti að gera betur í fyrsta og þriðja marki Everton og Gary Neville, fyrrverandi leikmaður Manchester United, var einn þeirra sem gagnrýndi Spánverjann í leikslok. 

Spænski markvörðurinn hefur varið 60,9% þeirra tilrauna sem hafa ratað á markið frá andstæðingunum til þessa á leiktíðinni í ensku úrvalsdeildinni.

Aðeins Rui Patricio hjá Wolves er með verri tölfræði af þeim markvörðum sem minnst hafa spilað 15 leiki á leiktíðinni, eða 59,7%. 

Everton átti þrjár tilraunir á markið í gærkvöldi og enduðu þær allar með marki. 

• Blogga um frétt