Jóhann Berg fór meiddur af velli

Jóhann Berg Guðmundsson, landsliðsmaður í knattspyrnu, fór meiddur af velli í fyrri hálfleik í leik Burnley og Fulham sem nú stendur yfir í ensku úrvalsdeildinni. 

Jóhann Berg sem skorað hafði í tveimur leikjum í röð í deildinni fór út af á 40. mínútu. 

Jóhann fór í tæklingu og lá eftir á vellinum. Líklega meiddist hann í fæti. Í lýsingu BBC kemur fram að Jóhann hafi strax gefið merki um að hann þyrfti að fara út. 

Þegar út af var komið fór Jóhann beint inn í búningsklefa þar sem sjúkrateymi Burnley getur athugað málið. 

• Blogga um frétt