Á réttri leið eftir höfuðkúpu­brot

Endurhæfing Raúl Jimé­nez, fram­herja enska knatt­spyrnu­fé­lags­ins Wol­ves, gengur vel en hann er byrjaður að æfa og hreyfa sig eftir að hafa höfuðkúpubrotnað í leik með liðinu í nóvember.

Jimé­nez var bor­inn af velli í leik Wolves og Arsenal eft­ir harka­legt samstuð við Dav­id Luiz, miðvörð Arsenal, en hann var í rúma viku á spít­ala að jafna sig eft­ir at­vikið. Þá þurfti Mexíkóinn að fara í aðgerð.

„Hann er byrjaður að æfa og endurhæfingin gengur vel, það er samt enn langt í land,“ sagði Nuno Santo, þjálfari Wolves, við Sky Sports. Úlfarnir hafa átt erfitt uppdráttar án síns helsta markaskorara, hafa aðeins unnið 13 af mögulegum 42 stigum frá því að Jiménez meiddist.

• Blogga um frétt