Íþróttir | Enski boltinn | mbl | 13.3.2021 | 16:34 | Uppfært 14.3.2021 9:59

Gylfi á bekknum en Jóhann byrjar

Gylfi Þór Sigurðsson í leik Everton gegn Liverpool. AFP

Gylfi Þór Sigurðsson byrjar á varamannabekknum hjá Everton sem tekur á móti Burnley í ensku úrvalsdeildinni í knattspyrnu klukkan 17:30 í dag.

Íslenski landsliðsmaðurinn hefur átt við smávægileg meiðsli að stríða og getur því ekki tekið byrjað en samherji hans hjá landsliðinu, Jóhann Berg Guðmundsson, er í byrjunarliði Burnley. Gylfi fór meiddur af velli í 2:0-tapi Everton gegn Chelsea í síðustu umferð. Jóhann Berg spilaði rúman klukkutíma í 1:1-jafntefli Burnley gegn Arsenal. Everton er í 6. sæti með 46 stig en Burnley í 15. sæti með 30 stig.

Everton - Burnley kl. 17:30, bein lýsing

Everton: (3-5-2) Mark: Jordan Pickford. Vörn: Mason Holgate, Michael Keane, Ben Godfrey. Miðja: Alex Iwobi, Tom Davies, Allan, André Gomes, Lucas Digne. Sókn: Dominic Calvert-Lewin, Richarlison.
Varamenn: Joao Virgínia (M), Harry Tyrer (M), Gylfi Þór Sigurðsson, Joshua King, Yerry Mina, Niels Nkounkou, Séamus Coleman, Nathan Broadhead, Tyler Onyango.

Burnley: (4-4-2) Mark: Nick Pope. Vörn: Matt Lowton, James Tarkowski, Ben Mee, Erik Pieters. Miðja: Jóhann Berg Guðmundsson, Ashley Westwood, Josh Brownhill, Dwight McNeil. Sókn: Matej Vydra, Chris Wood.
Varamenn: Bailey Peacock-Farrell (M), Robbie Brady, Dale Stephens, Jay Rodriguez, Phil Bardsley, Kevin Long, Richard Nartey, Jimny Dunne, Josh Benson.