United aftur upp í annað sæti

Manchester United er komið upp í annað sæti ensku úrvalsdeildarinnar í fótbolta á nýjan leik eftir 1:0-sigur á West Ham á heimavelli í kvöld. Sigurmarkið reyndist sjálfsmark hjá miðverðinum Craig Dawson snemma í seinni hálfleik. 

Heimamenn í Manchester United voru töluvert sterkari í fyrri hálfleik en Lukasz Fabianski í marki West Ham varði nokkrum sinnum vel. Besta varslan kom eftir gott skot frá Mason Greenwood en pólski markvörðurinn gerði gríðarlega vel í að slá boltann í horn. 

Fyrsta markið kom á 53. mínútu er miðvörðurinn Craig Dawson skallaði boltann í eigið net eftir hornspyrnu. Þrátt fyrir fínar tilraunir hjá Manchester-liðinu urðu mörkin ekki fleiri og gat West Ham helst þakkað Fabianski í markinu. Hinum megin ógnaði West Ham lítið sem ekkert. 

Manchester United er nú í öðru sæti með 57 stig og West Ham í fimmta sæti með 48 stig. 

Man. Utd	1:0	West Ham	Opna lýsingu Loka
90. mín. Það verða að minnsta kosti þrjár mínútur í uppbótartíma.
Augnablik — sæki gögn...

• Blogga um frétt