Vilja fá Agüero til Lundúna

Arg­entínski knattspyrnumaðurinn Sergio Agüero er eftirsóttur en samningur framherjans við Manchester City rennur út í sumar og bítast nú nokkur lið um að fá hann á frjálsri sölu.

Agüero hefur glímt mikið við meiðsli í vetur og lítið spilað en hann var þó í byrj­un­arliði City sem vann 3:0-sig­ur á Ful­ham í síðasta leik og skoraði þar sitt fyrsta deild­ar­mark í rúmt ár. Enska götublaðið The Daily Mail segir að Chelsea sé eitt þeirra félaga sem vilji semja við leikmanninn í sumar og jafnframt halda honum á Englandi.

Spænski miðillinn AS greindi hins vegar frá því fyrr í vikunni að Agüero muni semja við Barcelona á Spáni. Fram­herj­inn er sá marka­hæsti í sögu Manchester City, hef­ur skorað 181 deild­ar­mark í 271 leik síðan hann kom til fé­lags­ins árið 2011.

• Blogga um frétt