Litríkur leikmaður fallinn frá

Frank Worthington, sem um skeið var einn af vinsælustu knattspyrnumönnum Englendinga, er látinn, 72 ára að aldri, eftir langvarandi veikindi.

Worthington lék lengst með Huddersfield og Leicester á árunum 1966 til 1977 og spilaði átta leiki með enska landsliðinu árið 1974 og skoraði tvö mörk. Hann lék með Bolton, Birmingham, Leeds, Sunderland og Southampton á árunum 1979 til 1984, var m.a. inn á milli eitt sumar í Svíþjóð, og eftir það með fjölda minni félaga, á Englandi, Írlandi, í Bandaríkjunum og Suður-Afríku allt fram á fimmtugsaldurinn.

Hann skoraði 72 mörk fyrir Leicester í efstu deild á fimm árum þar og fjórtán mörk á einu tímabili fyrir Leeds, en samtals skoraði Worthington 260 deildamörk í 828 leikjum á ferlinum, frá 1966 til 1992.

Worthington var litríkur persónuleiki, innan vallar sem utan. Síðhærður í stíl við rokkara þess tímabils, flinkur leikmaður sem skoraði mörg mörk, spilaði aldrei með legghlífar og var með sokkana niðri á ökklum. Þá var hann ávallt sagður hafa notið hins ljúfa lífs eins og mögulegt var milli leikja.

Gary Lineker, knattspyrnusérfræðingur og fyrrverandi leikmaður Leicester og enska landsliðsins, sendi eftirfarandi kveðju á Twitter í morgun vegna andláts Worthingtons:

 Margir aðrir hafa minnst Worthingtons í morgun:

• Blogga um frétt