Leikmenn United og Arsenal draga sig úr hópnum

Sóknarmennirnir Marcus Rashford og Bukayo Saka hafa dregið sig úr enska landsliðshópnum sem mætir Albaníu og Póllandi næstu daga í undankeppni HM í knattspyrnu í Katar 2022 vegna meiðsla.

Hvorugur þeirra lék í 5:0-sigrinum á San Marínó í gærkvöldi, en ekki er víst hversu alvarleg meiðslin eru.

Rashford fylgdist með leiknum gegn San Marínó úr stúkunni á Wembley í gær, en Saka varð eftir í herbúðum Arsenal. Vonast var til að hann kæmi til móts við hópinn síðar í vikunni, en ekkert verður úr því.

Gareth Southgate landsliðsþjálfari mun ekki kalla upp leikmenn í staðinn fyrir Rahsford og Saka.

• Blogga um frétt