Sá markahæsti yfirgefur City
Setja bókamerki
Sergio Agüero, markahæsti leikmaður í sögu enska knattspyrnufélagsins Manchester City, mun yfirgefa félagið þegar samningur hans rennur út.
Þetta staðfesti félagið á samfélagsmiðlum sínum í dag en samningur argentínska framherjans við Englandsmeistaraefnin rennur út í sumar.
Agüero, sem er orðinn 32 ára gamall, gekk til liðs við City frá Atlético Madrid árið 2011 en enska félagið borgaði 35 milljónir punda fyrir leikmanninn á sínum tíma.
Framherjinn hefur skorað 257 mörk fyrir félagið í 384 leikjum en hann hefur verið mikið meiddur á yfirstandandi tímabili og aðeins byrjað fjóra leiki í ensku úrvalsdeildinni.
Hann hefur verið orðaður við stórlið Barcelona á Spáni að undanförnu en hann og Lionel Messi, fyrirliði Barcelona, eru miklir vinir.
Agüero hefur leikið 97 landsleiki fyrir Argentínu og skorað í þeim 41 mark en hann hefur fjórum sinnum orðið Englandsmeistari með City, einu sinni bikarmeistari og fimm sinnum deildabikarmeistari.
„Frumskylda mín að huga að börnunum mínum“
Er bókin ónothæf eða góð yfirferð?
Svona er tillaga sáttasemjara: Hafa fram á laugardag
Pelicot yfirheyrður vegna óupplýstra mála
Hvorki Danir né Bandaríkjamenn að grínast
Svona vill almenningur hagræða ríkisrekstri
Alvarlegt flugumferðaratvik: Enski boltinn truflaði
Ráðherra ekki á fundi varnarmálaráðherra