Gæti tekið við Celtic

Enski knattspyrnustjórinn Eddie Howe gæti orðið næsti stjóri skoska stórliðsins Celtic. Neil Lennon yfirgaf Celtic á dögunum og er félagið að leita að nýjum stjóra.

Howe gerði afar góða hluti með Bournemouth og kom liðinu upp úr ensku D-deildinni og upp í úrvalsdeildina. Hann hefur verið án félags frá því í ágúst í fyrra er hann féll með Bournemouth.

Celtic ætlar sér að vinna skoska meistaratitilinn aftur á næstu leiktíð en Rangers, undir stjórn Stevens Gerrards, varð meistari á þessari leiktíð eftir níu ára sigurgöngu Celtic.

• Blogga um frétt