Bjartsýnn með Rashford og Greenwood
Setja bókamerki
Ole Gunnar Solskjær, knattspyrnustjóri Manchester United, er bjartsýnn á að hafa bæði Marcus Rashford og Mason Greenwood í sínum hópi í leiknum gegn Brighton í úrvalsdeildinni á sunnudaginn.
Rashford fór meiddur af velli í leik United og AC Milan í Evrópudeildinni 18. mars og Greenwood þurfti að draga sig út úr enska 21 árs landsliðinu fyrir úrslitakeppni EM á dögunum vegna meiðsla.
„Ef þeir komast í gegnum æfinguna á morgun ættu þeir að vera tilbúnir í leikinn,“ sagði Solskjær á fréttamannafundi í dag.
Anthony Martial er hins vegar meiddur en hann fór af velli í leik Frakka gegn Kasakstan um síðustu helgi og er ekki byrjaður að æfa á ný.
United leikur þar sinn fyrsta deildaleik í þrjár vikur, eða frá því liðið vann West Ham 1:0 þann 14. mars. United er í öðru sæti fyrir leiki helgarinnar, stigi á undan Leicester sem tekur á móti Manchester City, toppliðinu, á morgun.
Þörf fyrir tvöfalt fleiri augnskurðlækna
Fuglainflúensa greindist í ref
Flugvél hrapaði í Fíladelfíu
Litla stelpan með perlurnar
„Þú selur ekki launþega“
Er bókin ónothæf eða góð yfirferð?
Ráðherrar eigi ekki að ýja að ítökum innan lögreglu
Sjö hús rýmd á Patreksfirði