Heldur áfram ef liðið fellur ekki

Sam All­ar­dyce mun halda áfram störf­um sem knatt­spyrn­u­stjóri West Bromwich Al­bi­on ef hon­um tekst hið ómögu­lega og bjarg­ar liðinu frá falli úr ensku úr­vals­deild­inni með æv­in­týra­leg­um enda­spretti.

All­ar­dyce staðfesti þetta við Sky Sports og sagði að samn­ing­ur­inn hljóðaði upp á það. Ef WBA fell­ur mun hann setj­ast niður með stjórn fé­lags­ins og ákveða næstu skref.

„Við skild­um það eft­ir opið fyr­ir báða aðila, sem þurfa þá að vera sam­mála. Ef annaðhvort ég eða þeir vilj­um ekki áfram­hald­andi sam­starf þá kveðjumst við. Ef báðir aðilar eru sam­mála um að vinna áfram sam­an, þá ger­um við það. Þetta er flók­in staða því ef hún kæmi upp, þá myndi ég vilja koma liðinu und­ir eins aft­ur upp í úr­vals­deild­ina í fyrstu til­raun, eins og ég gerði hjá WEst Ham,“ sagði All­ar­dyce.

WBA er tíu stig­um frá því að kom­ast úr fallsæti þegar liðið á níu leiki eft­ir og um há­degið á morg­un er erfiður úti­leik­ur fyr­ir hönd­um gegn Chel­sea. Í fjór­um neðstu sæt­un­um fyr­ir loka­sprett­inn eru Newcastle með 28 stig, Ful­ham með 26, WBA með 18 og Sheffield United með 14 stig.

Næstu leik­ir þar á eft­ir hjá WBA eru gegn Sout­hampt­on, Leicester, Ast­on Villa og Wol­ves en í lokaum­ferðunum leik­ur liðið gegn Arsenal, Li­verpool, West Ham og Leeds.

• Blogga um frétt