City nálgast titilinn óðfluga

Manchester City vann sanngjarnan 2:0-sigur á Leicester á útivelli í ensku úrvalsdeildinni í fótbolta í kvöld. Með sigrinum náði City 18 stiga forskoti á toppi deildarinnar.

City var mun sterkari aðilinn í fyrri hálfleik, en þrátt fyrir nokkur fín færi var staðan markalaus í leikhléi.

Bakvörðurinn Benjamin Mendy braut loks ísinn á 59. mínútu með fallegu skoti með hægri í bláhornið fjær eftir skemmtileg tilþrif í teignnum.

Gabriel Jesus bætti við öðru marki á 74. mínútu eftir góðan undirbúning frá Kevin De Bruyne og Raheem Sterling og þar við sat.

City er nú með 74 stig, 18 stigum meira en Manchester United sem á leik til góða. Leicester er í þriðja sæti með 56 stig.

Leicester	0:2	Man. City	Opna lýsingu Loka
90. mín. Rodri (Man. City) fær gult spjald Stöðvar Tielemans sem var á fleygiferð.
Augnablik — sæki gögn...

• Blogga um frétt