Klopp hefur ekkert út á Meistaradeildina að setja
Setja bókamerki
Jürgen Klopp, knattspyrnustjóri Liverpool, segist ekki hafa frétt af fyrirætlunum félagsins og annarra um að stofna nýja félagsliðadeild í Evropu, fyrr en í gær.
„Hvorki ég né leikmenn liðsins áttum aðkomu að þessu ferli og það sem ég heyrði í gær var ekki umfram það sem fólk getur lesið um í blöðunum,“ sagði Klopp í samtali við Sky Sports í aðdraganda leiks Leeds og Liverpool í ensku úrvalsdeildinni.
„Sem leikmann langaði mig að spila í Meistaradeild Evrópu og þegar ég varð knattspyrnustjóri var markmiðið að stjórna liði í þeirri keppni. Ég hef því augljóslega ekkert út á Meistaradeild Evrópu að setja.“
Klopp lagði enn fremur áherslu á að liðin og stuðningsmenn séu að hans mati það mikilvægasta í íþróttinni og sjá þurfi til þess að ekkert komi upp á milli þessara hópa. Hann sagðist vilja koma því skýrt á framfæri að leikmennirnir hefðu ekki haft neina aðkomu að þessu.
Viðtalið við Klopp í heild sinni er að finna í meðfylgjandi myndskeiði.
Leikur Leeds og Liverpool hefst kl. 19 og verður sýndur í beinni útsendingu á Símanum Sport.
Segist bundinn trúnaði um samtalið við Ingu
Landsbankinn segir að skoða þurfi málið nánar
„Við treystum því að þetta muni fara vel“
Stórfelld netárás gerð á DeepSeek
Brýn nauðsyn að endurskoða hættuna á stórgosi
NATO og ESB þegja þunnu hljóði
Hrossatað losað við Úlfarsfell
„Afar mikilvægt“ að hrinda verkefninu í framkvæmd