Leeds jafnaði undir lokin gegn Liverpool
Setja bókamerki
Leeds og Liverpool skildu jöfn, 1:1, á Elland Road í ensku úrvalsdeildinni í fótbolta í kvöld. Liverpool var verðskuldað yfir í hálfleik en Leeds var sterkari aðilinn í seinni hálfleik og skoraði verðskuldað jöfnunarmark fjórum mínútum fyrir leikslok.
Liverpool spilaði með mikilli ákefð í fyrri hálfleik sem heimamenn réðu illa við. Hvað eftir annað unnu Liverpool-menn boltann á góðum stöðum og var það verðskuldað þegar Sadio Mané skoraði fyrsta mark leiksins á 31. mínútu eftir góðan undirbúning frá Trent Alexander-Arnold og reyndist það eina mark fyrri hálfleiks.
Allt annað var að sjá til heimamanna í Leeds eftir hlé og eftir hvert færið á fætur öðru skoraði spænski varnarmaðurinn Diego Llorente með föstum skalla eftir horn frá Jack Harrison á 87. mínútu og þar við sat.
Áður en Llorente skoraði skaut Patrick Bamford í slánna og Tyler Roberts fór illa með dauðafæri. Mo Salah komst næst því að skora fyrir Liverpool í seinni hálfleik en hann rúllaði boltanum framhjá úr góðu færi undir lokin. Fleiri urðu mörkin hins vegar ekki.
Liverpool er í sjötta sæti deildarinnar með 53 stig og Leeds í tíunda sæti með 46 stig.
| Leeds | 1:1 | Liverpool |
|
|---|---|---|---|
| Það verða að minnsta kosti fjórar mínútur í uppbótartíma. | |||
„Við treystum því að þetta muni fara vel“
„Afar mikilvægt“ að hrinda verkefninu í framkvæmd
Brýn nauðsyn að endurskoða hættuna á stórgosi
NATO og ESB þegja þunnu hljóði
Áfram verður leitað að loðnunni
„Ansi sérstakt“ ef Inga notfærði sér stöðu sína
Buðust til að senda hermenn til Grænlands