Verður áfram í herbúðum United

Úrúgvæski framherjinn Edinson Cavani verður áfram í herbúðum enska knattspyrnufélagsins Manchester United á næstu leiktíð. Það er Moises Llorens, fréttamaður hjá ESPN sem greinir frá þessu.

Frétt af mbl.is

Myndi elska að hafa hann áfram

Framherjinn, sem er 34 ára gamall, gekk til liðs við United á frjálsri sölu síðasta sumar þegar samningur hans við Frakklandsmeistara PSG rann út.

Cavani skrifaði undir eins árs samning við enska félagið með möguleika á árs framlengingu en fyrr í vetur bárust fréttir af því að Cavani yrði ekki áfram í herbúðum enska liðsins.

United hefur hins vegar verið á góðu skriði undanfarnar vikur og á gengi liðsins stóran þátt í þeirri ákvörðun Cavanis að vera áfram á Englandi að sögn ESPN.

Framherjinn hefur skorað átta mörk í ellefu byrjunarliðsleikjum fyrir United á tímabilinu en alls hefur hann komið við sögu í 22 leikjum í deildinni.

• Blogga um frétt