City færist nær bikarnum
Setja bókamerki
Sergio Agüero skoraði sitt annað deildarmark á tímabilinu þegar lið hans Manchester City heimsótti Crystal Palace í ensku úrvalsdeildinni í knattspyrnu á Selhurst Park í London í dag.
Leiknum lauk með 2:0-sigri City en Agüero kom sínu liði yfir á 57. mínútu eftir laglegt samspil City-manna.
Benjamin Mendy átti þá frábæra fyrirgjöf frá vinstri á Agüero sem tók boltann meistaralega með sér með fyrstu snertingu sinni.
Hann hamraði svo boltann upp í þaknetið með sinni annarri snertingu og staðan orðin 1:0.
Ferran Torres bætti við öðru marki City, mínútu síðar, þegar boltinn datt fyrir fætur hans rétt utan teigs og hann hamraði boltann í hornið fjær með vinstri fæti.
Pep Guardiola, knattspyrnustjóri City, hvíldi marga lykilmenn í dag en þetta var fyrsti byrjunarliðsleikur Agüero síðan 13. mars.
Manchester City er með 80 stig í efsta sæti deildarinnar og hefur þrettán stiga forskot á Manchester United sem er í öðru sætinu og á leik til góða á City.
Crystal Palace er hins vegar í þrettánda sætinu með 38 stig, ellefu stigum frá fallsæti.
| Crystal Palace | 0:2 | Man. City |
|
|---|---|---|---|
| +3 mínútur í uppbótartíma. | |||
Tveggja ára fangelsi fyrir manndráp á Lúx
„Breytir ekki okkar viðbúnaði“
Ófyrirsjáanlegt tjón blasir við
Foreldrar stefna kennurum: „Þetta er neyðaraðgerð“
Þórdís ætlar ekki að bjóða sig fram
Fordæmalaust fárviðri sem gæti orðið sögulegt
Óheimilt að hýsa hælisleitendur í JL-húsinu