Úlfarnir með nýjan stjóra í sigtinu

Forráðamenn enska úrvalsdeildarfélagsins Wolves hafa fundið arftaka Nuno Espirito Santo en Portúgalinn lét af störfum sem knattspyrnustjóri liðsins eftir lokaumferð tímabilsins í gær.

Það er íþróttafréttamaðurinn Fabrizio Romano sem greinir frá því að úlfarnir eru í viðræðum við Bruno Lage sem einnig er frá Portúgal en sá þjálfaði síðast lið Benfica í heimalandinu.

Espi­rito Santo tók við Wol­ves árið 2017 og fór með liðið upp úr B-deild­inni og upp í ensku úr­vals­deild­ina. Und­ir hans stjórn endaði Wol­ves í sjö­unda sæti úr­vals­deild­ar­inn­ar tíma­bilið 2018/​19 og tryggði sér fyr­ir vikið sæti í Evr­ópu­keppni í fyrsta sinn frá ár­inu 1980. Ekki gekk eins vel síðustu tvö tíma­bil og endaði liðið í 13. sæti ensku úr­vals­deild­ar­inn­ar með 45 stig.

Lage er 45 ára og hefur áður starfað á Englandi en hann var aðstoðarþjálfari hjá Sheffield Wednesday frá 2015 til 2017.

• Blogga um frétt