Enski fótboltamaðurinn Fabian Delph var á samfélagsmiðlum ranglega nefndur sá leikmaður Everton sem sætir lögreglurannsókn. Tugir þúsunda samfélagsmiðlanotenda deildu sín á milli röngum skilaboðum um að Delph hefði verið handtekinn eftir húsleit. 

Breska götublaðið Sun greinir frá þessu. 

Everton hefur sett leikmann í bann vegna lögreglurannsóknar en félagið hefur ekki nefnt leikmanninn á nafn. Samkvæmt heimildum mbl.is er leikmaðurinn Gylfi Þór Sigurðsson. 

Lögreglan í Manchester gaf það út í gær að 31 árs gamall karlmaður hefði verið handtekinn í síðustu viku grunaður um kynferðisbrot gegn barni. Húsleit var framkvæmd á heimili mannsins. Sun segir manninn neita ásökunum.

Heimildarmaður The Sun segir að Delph sé alsaklaus og hafi dregist inn í umræðuna þar sem félagið hafi ákveðið að skýra ekki frá því hver umræddur leikmaður sé. Það hafi leitt af sér getgátur á ýmsum vefsíðum og samfélagsmiðlum.

Heimildarmaðurinn segir ennfremur: „Fréttirnar af handtökunni hafa verið mikið áfall fyrir félagið. Liðsfélaga hans grunaði ekkert. Rannsókn málsins stýra sérhæfðir lögreglumenn sem fengu kvörtun fyrir nokkrum vikum. Allir í félaginu eru lamaðir yfir þessum fréttum. Lögreglan ætlar að sjá til þess að allt sé rannsakað til hlítar og engu sleppt.

Leikmönnunum var skýrt frá þessu í gær og þeir eru gjörsamlega miður sín. Sá handtekni er afar vinsæll í leikmannahópnum og það trúir þessu enginn. Leikmennirnir vona að þetta sé allt saman misskilningur eða ruglingur, eða eitthvað slíkt," hefur The Sun eftir umræddum heimildarmanni.

Tengdar fréttir

Gylfi grunaður um brot

Gylfi Þór sást opinberlega í fyrsta sinn

• Gylfi Þór velkominn á æfingar
• Gylfi mættur aftur til landsins
• Nýjar upplýsingar í máli Gylfa
• Vilja bætur sem nema 1,7 milljörðum vegna Gylfa

» Fleiri tengdar fréttir

• Blogga um frétt