Hélt hreinu í fyrsta deildarleiknum

Morecambe hafði betur gegn Shrewsbury, 2:0, á heimavelli í ensku C-deildinni í fótbolta í dag.

Jökull Andrésson stóð á milli stanganna hjá Morecambe í fyrsta skipti í deildinni á leiktíðinni. Jökull, sem er í láni frá Reading í B-deildinni, þakkaði traustið og hélt hreinu.

Morecambe kom upp úr D-deildinni á síðustu leiktíð og hefur byrjað ágætlega á nýju tímabili, en liðið er með fjögur stig eftir tvo leiki. 

Þetta var fyrsti C-deildarleikur Jökuls á ferlinum en á síðasta tímabili lék hann 36 leiki í D-deildinni sem lánsmaður hjá Exeter og Morecambe.

• Blogga um frétt