Áfall fyrir United

Paul Pogba, miðjumaður enska knattspyrnufélagsins Manchester United, hefur verið úrskurðaður í þriggja leikja bann í ensku úrvalsdeildinni. 

Frétt af mbl.is

Kominn með nóg af Pogba

Pogba fékk að líta beint rautt spjald í 0:5-tapi United gegn Liverpool í stórleik ensku úrvalsdeildarinnar sem fram fór á Old Trafford í Manchester um síðustu helgi.

Franski miðjumaðurinn fór þá í ljóta tveggja fóta tæklingu á Naby Keita sem var borinn af velli an Anthony Taylor, dómari leiksins, gaf Pogba fyrsta gula spjaldið fyrir brotið.

Eftir að hafa horft aftur á það ákvað hann hins vegar að draga gula spjaldið til baka og sýndi Pogba það rauða í staðinn.

Pogba missir því af leikjum United gegn Tottenham, Manchester City og Watford og gæti hann hafa spilað sinn síðasta leik fyrir Ole Gunnar Solskjær sem þykir afar valtur í sessi þessa dagana.

• Blogga um frétt