Keita ekki alvarlega meiddur

Naby Keita, miðjumaður enska knattspyrnufélagsins Liverpool, er ekki alvarlegur meiddur þrátt fyrir að hafa verið borin af velli í leik Manchester United og Liverpool í ensku úrvalsdeildinni á Old Trafford á sunnudaginn síðasta.

Leiknum lauk með 5:0-sigri Liverpool en Paul Pogba, miðjumaður United, fór í ljóta tveggja fóta tæklingu á Keita í leiknum með þeim afleiðingum að Pogba fékk að líta beint rautt spjald.

Keita var í kjölfarið borinn af velli og óttuðust margir að hann væri fótbrotinn eftir tæklinguna frá Pogba.

„Naby er illa marinn en það er ekkert beinbrot,“ sagði Pep Lijnders, aðstoðarþjálfari Liverpool, á blaðamannafundi í dag.

„Í fyrstu óttuðumst við að meiðslin væru alvarleg en það reyndist ekki raunin. Þetta er slæmt mar og við fylgjumst vel með honum.

Eins og staðan er í dag lítur þetta vel út og allt er á réttri leið,“ bætti Lijnders við.

• Blogga um frétt