Leikmaður Chelsea skellti áhorfanda í grasið (myndskeið)

Ástralska knattspyrnukonan Sam Kerr tók til sinna ráða í gær þegar áhorfandi í leik Chelsea og Juventus í A-riðli Meistaradeildar kvenna hljóp inn á völlinn í leik liðanna í Lundúnum í gær.

Áhorfandinn ætlaði sér að fá mynd af sér með Magdalenu Eriksson, varnarmanni Chelsea, og fékk að ganga óáreittur um völlinn.

Kerr tók sig til og skellti áhorfandanum í grasið og aðstoðaði þannig vallar- og öryggisstarfsmenn að koma honum af velli.

Ástralski sóknarmaðurinn fékk að líta gula spjaldið fyrir athæfið þar sem hún sýndi af sér ofbeldisfulla hegðun á vellinum en leiknum lauk með markalausu jafntefli.

Chelsea er í efsta sæti A-riðil með 11 stig fyrir lokaumferðina og er komið áfram í átta-liða úrslit keppninnar.

• Blogga um frétt