Gerrard tekur pottþétt við Liverpool

Jürgen Klopp, knattspyrnustjóri Liverpool, er sannfærður um að Steven Gerrard taki við starfi sínu einn daginn. Gerrard mætir með Aston Villa-liðið sitt á Anfield á morgun til að mæta Liverpool í ensku úrvalsdeildinni.

Leikurinn er sá fyrsti sem Gerrard tekur þátt í á Anfield síðan hann yfirgaf félagið sem leikmaður árið 2015. Hann hefur farið vel af stað með Villa og er Klopp sannfærður að Liverpool-goðsögnin stýri liðinu einn daginn, en Gerrard lék yfir 700 leiki með Liverpool á sínum tíma.

„Alveg pottþétt,“ svaraði Klopp, aðspurður á blaðamannafundi í dag hvort Gerrard yrði einn daginn stjóri Liverpool. „Það er spurning hvort en ekki hvenær. Það verður gott fyrir alla,“ bætti Þjóðverjinn við.

• Blogga um frétt