Vilja fyrrverandi leikmann United

Enska knattspyrnufélagið Newcastle hefur mikinn áhuga á að semja við nígeríska framherjann Odion Ighalo í janúar. Ighalo er sem stendur á mála hjá Al Shabab í Sádi-Arabíu.

Ighalo er markahæstur í efstu deild Sádi-Arabíu með níu mörk á tímabilinu. Hann lék með Manchester United frá janúar 2020 til janúar 2021 og skoraði fimm mörk í 23 leikjum.

Ighalo lék með Watford frá 2014 til 2017 og skoraði þá 40 mörk í 100 leikjum.

Newcastle er ríkasta félag heims í dag eftir að Mohammed bin Salm­an, krón­prins­inn í Sádi-Ar­ab­íu, keypti fé­lagið á dög­un­um fyr­ir 300 millj­ón­ir punda. Liðið er hins vegar í 19. sæti ensku úrvalsdeildarinnar, þremur stigum frá öruggu sæti. 

• Blogga um frétt