Ronaldo: Enginn af okkur er sáttur

Stórstjarnan Cristiano Ronaldo er ekki sáttur með gengið hjá sér og liðsfélögum sínum hjá enska knattspyrnuliðinu Manchester United en Ronaldo og félagar hafa átt erfitt uppdráttar á leiktíðinni.

Ronaldo fór yfir nýliðið ár á Instagram, hæðir og lægðir. „Hjá Juventus var ég stoltur af því að verða bikarmeistari og meistari meistaranna. Ég var svo markahæstur í A-deildinni og markahæstur í Evrópu með landsliðinu. Endurkoman á Old Trafford verður svo alltaf minnisstæð,“ byrjar Ronaldo.

„Ég er hins vegar ekki sáttur við það sem við höfum afrekað á þessari leiktíð. Enginn af okkur er sáttur, ég er viss um það. Við verðum að leggja meira á okkur, spila betur og gera betur en við erum að gera,“ bætti sá portúgalski við.

• Blogga um frétt