Smitum fækkar í fyrsta sinn í tvo mánuði

Í fyrsta skipti í tvo mánuði fækkaði kórónuveirusmitum meðal leikmanna og starfsfólks ensku úrvalsdeildarinnar í knattspyrnu á milli vikna.

Nýtt met var sett í vikunni 19. til 26. desember þegar 103 greindust með kórónuveiruna og þá hafði verið stöðug hækkun frá viku til viku í átta vikur.

Í vikunni 27. desember til 2. janúar voru smitin hinsvegar 94 talsins, úr samtals 14.250 skimunum vikunnar.

Alls hefur sautján leikjum í deildinni verið frestað frá byrjun desember en félögin ákváðu fyrir jól að halda sínu striki og spila um jól og áramót alla leiki sem á annað borð var mögulegt að láta fara fram.

• Blogga um frétt